Соңғы жаңалықтар

Шекарадан өтті: Қазақстандық жас әнші "Балалар Жаңа толқыны" байқауына қатысатын болды

Қазақстандық "Балалар жаңа толқынының" қатысушысы Аружан Сабыкенова (Аружан Ардақ)  шекарадан өтті, енді халықаралық байқауға қатыса алады, деп хабарлайды Stan.kz ақпарат агенттігі.

"Бұл Қазақстан СІМ мен Қазақстанның Мәскеудегі елшілігінің күш-жігерінің нәтижесінде мүмкін болды", - делінген СІМ хабарламасында.

"Балалар жаңа толқыны" халықаралық байқауының финалисті Аружан Ардақ анасымен бірге Мәскеуге ұшып барған. Шақырудың болуына қарамастан, анасы мен қызын елге кіргізбеді, өйткені олар Ресейге Түркиядан транзиттік рейспен келген және ережелерге сәйкес кіруге негіз жоқ.

Қазақстандық дипломаттардың атсалысуымен Аружан Ардақ шекарадан өтті, енді байқауға қатысады.

Қазақстан СІМ бұл мәселеде қолдау көрсеткені үшін ресейлік әріптестеріне алғыс білдірді.

Сондай-ақ, ведомство бұл ерекше жағдай екенін еске салды.

Сыртқы істер министрлігі Ресейге Қазақстан азаматтарының және Қазақстанда тұруға ықтиярхаты бар адамдардың шектеусіз кіруі тек әуе бақылау бекеттері арқылы және тек Қазақстаннан тікелей рейстер арқылы мүмкін болатынын еске салды.

Қазақстаннан басқа елдерден Ресейге келу осы елдерде тұруға ықтиярхаты  бар кезде ғана мүмкін болады.

Талқылау
Пікір
Қазір оқып жатыр
Çàãðóçêà...
Қазір оқып жатыр