Соңғы жаңалықтар
Соңғы жаңалықтар

Ресейге кіру ережелерін бұзған: Қазақстандықтар "Балалар Жаңа толқыны" байқауына қатыса алмады

Қазақстандық "Балалар жаңа толқынының" қатысушысы Аружан Сабыкенова (Аружан Ардақ) Ресей шекарасын кесіп өту ережелерін бұзғаны үшін конкурсқа жіберілмеді, деп хабарлады оның анасы Гүлжан Сабыкенова өзінің Facebook парақшасында. Олар Мәскеуге транзиттік рейспен келген, деп хабарлайды Stan.kz ақпарат агенттігі.

"Достар, мен қызыммен Мәскеу әуежайындамын. Біз транзиттік рейспен ұшып келгендіктен бізді депортацияламақ. Өкінішке қарай, тікелей рейспен келгендерге ғана елге кіруге болады. Ал тікелей рейстер аптасына бір рет ұшады, және олардағы барлық рейстер әлдеқашан сатылып кеткен. Бар билеттер бір адамға бір бағытқа 1,5 миллион теңге", - деп жазды жас әншінің анасы.

Әйел олардың қолында шақыру билеті және теріс нәтижесілі ПТР тестілері бар екенін айтты.

Гүлжан Сабыкенова сағат 15.00-де (Мәскеу уақыты бойынша) Ыстамбұл арқылы Қазақстанға қайта оралатынын айтады.

"Қазақстан елшілігінің қызметкерлері бізбен байланысқа шығып, бізге көмектесуге тырысуда. Кешеден бері бұл мәселені байқау ұйымдастырушылары қолға алды, бірақ оның шешілуі екіталай. Мұнда бәрі қатал, ал қызметкерлер заңды бұзғысы келмейді. Біз қазақстандықтарға билеттерді тек тікелей рейстерге ғана сатып алуды ескерткіміз келді", - деп түсіндірді қазақстандық әйел.

Қазақстанның Ресейдегі елшілігі 24 қыркүйекте Ресей үкіметінің өкімімен Қазақстан азаматтары мен Қазақстанда тұруға ықтиярхаты бар азаматтарға Ресейге шектеусіз тек әуе пункттері арқылы және Қазақстаннан тікелей рейстермен ғана кіруге рұқсат етілетіні туралы ақпарат таратты.

Ресейге келгендер шекарада рейстің ұшуына дейін 72 сағат өтпеген коронавирусқа теріс ПТР-тест туралы анықтаманы ұсынуы керек. Ресей азаматтары келгеннен кейін 72 сағат ішінде ПТР тестін тапсыра алады, оның нәтижелері мемлекеттік қызмет веб-сайтына жүктелуі керек.

Талқылау
Пікір
Қазір оқып жатыр
Çàãðóçêà...
Қазір оқып жатыр