"Шапалақпен шадаңқ еткізді": Мәдина Сәдуақасова өзінен сұхбат алған жігіт туралы
Мәдина Сәдуақасова өзінен сұхбат алған жігіт туралы айтып берді, деп хабарлайды Stan.kz ақпарат агенттігі "Жеңіс шоу" бағдарламасына сілтеме жасап.
Мәдина Сәдуақасова өзін телеарнадағылардың алдағанын есіне түсіріп, болған оқиға туралы айтып берді. Сұхбатқа шақырып, телеарнада жүргізушіні ұрып жыққанда не істерімді белмей қалдым дейді ол. Әншінің бірінші ойы кетіп қалу болғанын да жасырмады.
"Меннен бір жас тележүргізуші сұрақтарын қойып сұхбат алды. Режиссер ол жігітті жаңадан келген деп айтқан. Бір уақытта жүгіріп келіп, "Дұрыс айтқан жоқсың, осылай сөйле" деп айқайлады. Жарайды қазір үйреніп алады деп көмектесіп жатырмын. Ана жігіт қара терге түсіп кеткен. Бәрі шынайы. Тура бір сөзге келген кезде шатасып қалады", - дейді Мәдина Сәдуақасова.
Қанша жерден жас тележүргізушіге көмектескісі келсе де, бір жерге келгенде сүріне беретінін айтты әнші. Сонымен қатар, режиссер жүргізушіні ұрып жықанда қандай сезімде болғанын жеткізген ол. Артынша, Мәдина Сәдуақасова бұл ойын екенін ұққанда таңқалған көрінеді.
"Мен тура соны айтпай-ақ қой, өз сөзіңмен жеткіз деп тұрсам, режиссер жігітті жүгіріп келіп шапалақпен шадаңқ еткізді. Мына жерден кеттім деген ой болды. Масқара, мынау недеген сұмдық. Телеарна қай жерге дейін жеткен деп жиналып, кетейін деп жатсам, гүл беріп тұр. Сөйтсем, мені алдапты", - дейді Мәдина Сәдуақасова.