Серік Жұманғарин мен Тамара Дүйсенова министр қызметінен босатылып премьер-министрдің орынбасары болып тағайындалды
Мемлекет басшысы Қасым-Жомарт Тоқаев премьер-министрдің жаңа орынбасарларын тағайындады. Бұл туралы Stan.kz ақпарат агенттігі хабарлайды.
Серік Жұманғарин бұған дейін сауда және интеграция министрі қызметін атқарған.
“Мемлекет басшысының Жарлығымен Серік Мақашұлы Жұманғарин Қазақстан Республикасы Премьер-Министрінің орынбасары болып тағайындалды, ол бұрынғы атқарған лауазымынан босатылды”, – деп жазылған жарлықта.
Ал Тамара Дүйсенова еңбек және халықты әлеуметтік қорғау министрі қызметінен босатылды.
“Мемлекет басшысының Жарлығымен Тамара Босымбекқызы Дүйсенова Қазақстан Республикасы Премьер-Министрінің орынбасары болып тағайындалды, ол бұрынғы атқарған лауазымынан босатылды”, – делінген Ақорда хабарламасында.
Еске салайық, бұған дейін Тоқаев Марат Ахметжановты ішкі істер министрі қызметінен босатып, оның орнына Ержан Сәденовті тағайындаған еді.
Талқылау
Жинағыңызды алтынмен сақтау тиімді ме – Сарапшылар бағалы металдың грамы 100 мың теңгеге жететінін болжады
Маманның сөзінше, тарихи тұрғыда қор нарығы құлдыраған кезде алтынға сұраныс артады
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады