Семейдегі ойын-сауық орталығында ірі өрт шықты: Келушілер ғимараттан сырт киімсіз шұғыл шығуға мәжбүр болған
Семейде “Bala Park” ойын-сауық орталығында ірі өрт шықты. Бұл туралы Stan.kz ақпарат агенттігі хабарлайды.
Әлеуметтік желіде оқиға орнында түсірілген видеолар тарады. Кадрлардан аязды күнде келушілердің, соның ішінде балалардың да сырт киімсіз ғимараттан шұғыл шығуға мәжбүр болғанын көруге болады.
Төтенше жағдайлар министрлігің мәліметінше, алғашқы өрт сөндіру бөлімшелері оқиға орнына жеткен сәтте ғимарат ашық жалынмен жанып жатқан. Өрт өршіп, шатыр ішінара құлаған.
Әкімшілік өкілдерінің айтуынша, адамдар өздігінен эвакуацияланған.
“Өрт сөндіру жоғары өрт жүктемесі мен қатты түтінмен күрделенуде. Өртті сөндіру үшін периметр бойынша су шашыратқыштар, сонымен қатар биік техника арқылы су жеткізу жұмыстары жүргізілуде. Өрт орнында өрт сөндіру жедел штабы құрылды. Судың үздіксіз берілуі қамтамасыз етілді”, – делінген ТЖМ хабарламасында.
Қаскелеңдегі атышулы құпия ит сою орны мен ет тасымалы: Істің 1 жылдан кейін тоқтатылғаны белгілі болды
Мина Исмаилова: "Сою орны әлі күнге дейін жұмыстарын жалғастырып жатқанына сенімдімін"
"Қол қусырып тұра алмадым": Алматылық әке 1 жастағы көршісінің баласын қалай аман алып қалғанын айтып берді
Әкенің айтуынша, балаларына анасының өмірден өткенін түсіндіру де оңай болмаған