AAPL
142.92 $
0.96 %
TSLA
695.2 $
-0.57 %
NDAQ
156.79 $
-0.44 %
GOOGL
2291.44 $
1.16 %
FRHC
46.29 $
2.91 %
AAPL
142.92 $
0.96 %
TSLA
695.2 $
-0.57 %
NDAQ
156.79 $
-0.44 %
GOOGL
2291.44 $
1.16 %
FRHC
46.29 $
2.91 %
Соңғы жаңалықтар
Соңғы жаңалықтар

Сатылымға шектеу қойылған: Шымкентте қант пен кәмпит тапшылығы байқалуда

Шымкенттік саудагерлер шекер бағасы бір ай ішінде бірден 200 теңгеге қымбаттаған дейді. Соған байланысты кәмпиттердің, балмұздақтардың, қанттан жасалатын өнімдердің  барлығы да шамамен 20-30 пайызға көтерілген. Ал барбарис және ирис сияқты тәттілер мүлде жоқ. Сатушылардың айтуына қарағанда бір аптадан бері бұл тауарлар тасымалы тоқтатылған, деп хабарлайды Stan.kz тілшісі. 

Шымкентте кейбір дүкендерде қанттың 800 грамдық шағын ғана қорабы 720 теңгеден сатылып жатыр. Ең арзан саналатын әлеуметтік сауда нүктелерінің өзінде 1 келі құмшекер 530-560 теңге төңірегінде.  Кей сауда сөрелерінде шекер мүлде жоқ. Сатушылар сұраныстың көптігінен, бұл тауар  сөреге шығарылғаннан кейін бірер сағатта таусылып қалатынын жасырмайды. Айта кету керек, әлеуметтік тауарлар маркеттерге әкімдік тарапынан 5 тонна шекер жеткізіліп беріледі екен. Ал әр маркеттің күнделікті 550 келіден артық сатуына шектеу қойылған. Оның үстіне жан басына тек 1 келі құмшекерден артық берілмейді. 

"12 желіге бір аптада 5 тонна көлемінде қант жеткізіледі. Өнімнің бір келісі қазір 530  теңгеден саудалануда. Жұрттар әп-сәтте талап кетеді. Қанттың тапшылығы сезілуде" – дейді сауда орталықтарының бірінде жұмыс істейтін Асқар Қамбар.

Ал салаға жауаптылардың айтуынша, көрші Ресей елінен қанттың аз мөлшерде жеткізілуі бағаның шарықтауына әкеп соғуда. Қазір қалада бағаның негізсіз көтерілуімен күресетін мобильді топтар жұмыс істеуде.

"Тауар көлемі кеміген сайын бағаның артататыны - нарық заңдылығы. Қазір қалада 1500 мың тонна құмшекер қоры бар. Бұл бір айға жеткілікті. Дегенмен үнемдеу үшін сатылымына шектеу қойып отырмыз. Себебі, біздің нарықтың 30 пайызы Ресейдің тауарына тәуелді. Әзірге көрші елдерден келісім шарт аясында қалдық тауарлар тасымалдануда", – дейді Шымкент қаласы ауыл шаруашылығы және ветеринария басқармасы басшысының орынбасары Қайрат Базарбеков:

Шенеунік қаладағы 6 базарға құмшекерлер  әлеуметтік бағамен үлестірілетініне сендірді. Алайда, қант нарығындағы қымбатшылықтың қашан тоқтайтынын жергілікті әкімдік өкілдері дөп басып айта алмады.

Талқылау
Пікір
Қазір оқып жатыр
Қазір оқып жатыр