Сарапшылар ұялы телефонды қалтаға салып жүрмеуді ескертті
Мамандар ұялы телефонды шалбардың қалтасына салып жүрмеуге кеңес берді, деп хабарлайды Stan.kz ақпарат агенттігі.
Бұл туралы ресейлік сарапшылар мәлімдеді.
Сөздерінше, ұялы телефонды адам денесіне жақын қалталарда салып жүруге болмайды екен. Сонымен қатар мамандар байланыс құралымен болатын әңгімені екі минутқа дейін шектеу керектігін айтты. Олар екі телефон хабарының арасында кем дегенде 15 минут өту қажет деп айтты.
Қоңырау келіп түскеннен кейін телефонды құлаққа бірден жақындатуға болмайтын көрінеді. Бұл шара адамды сәулелендіруден сақтайды. Сарапшылардың айтуларынша, ұялы телефон байланыс кезінде асқан қуаттылықпен жұмыс істейді екен. Сол себепті осы сәтте одан келетін зиян да жоғары. Тек 10-20 секундтан кейін құрылғының қуаттылығы төмендейді.
"Радиотолқындардың азаюы қашықтыққа байланысты жүзеге асырылады. Сол себепті телефонды құлақтан алыстату арқылы денсаулыққа деген залалды төмендетуге болады", - деді рсейлік мамандар.
Сонымен қатар әлеуметтік желі мен мессенlжерлерді жиі пайдалану қол сүйектеріне кері әсерін тигізеді екен. Ал смартфондағы өлшемі кіші суреттер көзге зиянды екендігі атап өтілді.