"Салмақ қостым": Ерке Есмахан көйлектерін сататынын айтты

Әнші Ерке Есмахан гардеробын жаңартып, сахналық киімдерін сатуға шығарды. Өзінің айтуынша, ішінде киілмеген көйлектер де бар. Бұл туралы Stan.kz ақпарат агенттігі хабарлайды. 

Алайда әнші киімдерін қимайтынын да жасырмады.

“Жаңадан киім шкафын жасатып едім. Кішкентай болып қалды. Киімдерімнің жартысы ғана сыйды. Қалған көйлектерімді сатуға шығардым. Тастайтын киімдерім де бар. Алла кешірсін, ысырап болып жатыр. Сөмкелерім де өте көп. Екі көмекшім жинап үлгере алмады. 10 сөмке киім дайындап қойдым. Жүктілігіме байланысты салмақ қосқан едім, сол үшін де біраз киімдерім сыймай қалды. Бұрын сіңлілеріме беретін едім, қазір олар да кимейді. Тегін дүниенің қадірі болмайды дегендей өте арзан бағаға сатуға шығарамын. Ескі киімдер емес. Бір рет қана киілген арасында мүлдем киілмеген көйлектер де бар. Қимастық сезім болып тұр ішімде. Әр көйлекке қарап, қаншама той, концерт, кештер есіме түсті. Өте қымбат киімдер киетінімді білесіздер”, – деді Ерке. 

Әншінің оқырмандары жарыса жазып жатыр. Алайда әнші оқып үлгермейтінін айтты.

“Маған жазғаннан түк пайда жоқ. Көмекшілерім 1-2 күнде нақты хабарын айтады. Арнайы киімдерімді сататын сатушы жалдадық. Сол келіп бәрін алып кетеді, парақшасына салғанда хабарлаймын”, – деп оқырмандарын сабырға шақырды. 

Еске салайық, әнші жақында ақша ұрланғанын айтып, сотқа арыз жазатынын жазған болатынбыз. 

Айы-күні жақындаған әнші оқырмандарынан толғақ туралы сұрағаны да айтқан едік.