Сағынтаев алматылықтардың көлік кептелісіне қатысты шағымдарына жауап берді
Алматы әкімі Бақытжан Сағынтаев кептеліске шағымданған қала тұрғындарының наразылығына жауап берді, деп хабарлайды Stan.kz ақпарат агенттігі.
ОКҚ брифингінде журналистер Сағынтаевтан Алматы көшелеріндегі кептелістерді жою бойынша атқарылып жатқан жұмыстар туралы сұрады.
Бақытжан Сағынтаев қазіргі уақытта қалада 600 мыңға жуық автокөлік тіркелгенін айтты. Сондай-ақ Алматыға қосымша 250 мыңға жуық көлік кіреді.
"Олар Қаскелең, Талғар және Шелек бағыттарынан келеді. Сондықтан қазір бірнеше жобаны жүзеге асыру белсенді жүріп жатыр. Бұл:
- облыстың елді мекендерін өзара байланыстыра отырып, барлық ағындарды толығымен босататын Үлкен Алматы айналма автомобиль жолы (ҮАААЖ) құрылысы;
- Алматы - Қаскелең және Алматы - Талғар бағытында автомобиль ағынын азайтуға және адамдарды неғұрлым жылдам әрі экологиялық көлікке ауыстыруға мүмкіндік беретін электр поездарын салу жөніндегі жобаны әзірлеу;
- қаланың орталық бөлігін жүк ағынынан босата отырып, қала орталығынан айналма жолдарға жүк және басқа да экологиялық таза емес көлікті шығару бойынша жұмыс;
- адамдар көре алатындай етіп бөлінген жолақтардың көбеюі: жеке көлікпен жүріп, кептелісте ұзақ тұрғаннан гөрі қоғамдық көлікті пайдаланғаныңыз және баратын жеріңізге тезірек жеткеніңіз жөн", - деді Сағынтаев.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі