Республикалық референдум: Exit Poll алғашқы нәтижелерді жариялады

Exit Poll Конституцияға өзгеріс енгізуге бағытталған республикалық референдумның алдан ала нәтижесін жариялады, деп хабарлайды Stan.kz ақпарат агенттігі.

Демократия институтының мәліметінше, референдум қатысушыларының 79,4%-ы Конституцияға енгізуге ұсынылған өзгерістерді қолдаған. Референдумға халықтың 66,3% қатысқан, ал сауалнама 15 000 адамның арасында жүргізілген. 

"СОЦИС-А" Кешенді әлеуметтік зерттеулер институтының мәліметінше, референдум қатысушыларының 76,7% өзгерістерді қолдаса, 23,3%-ы қарсы болған. Сондай-ақ референдумға халықтың 67,5% қатысқан. 

"Қоғамдық пікір" Институты ұсынған деректерге сәйкес, респонденттердің 74,8% өзгерістерді қолдаса, 25,2 % қарсы екенін көрсеткен. Зерттеушілер жалпы халықтың 70,1%-ы ферендумға қатысқанын мәлімдеді.