Трамп АҚШ пен Венесуэла бірлескен операцияда әйгілі қылмыс серкесінің жойылғанын мәлімдеді
АҚШ президенті Дональд Трамп “Ниньо Герреро" лақап атымен танылған Эктора Рустенфорд Герреро Флорес арнайы операция кезінде көз жұмғанын мәлімдеді. Оның өлімін Пентагон да растағанын айтты. Бұл туралы Stan.kz ақпарат агенттігі BBC.com порталына сілтеме жасап хабарлайды.
АҚШ президенті Дональд Трамп өзінің Truth Social әлеуметтік желісіндегі парақшасында венесуэлалық Tren de Aragua қылмыстық ұйымының жетекшісі, Ниньо Герреро деген лақап атпен белгілі Эктора Рустенфорд Герреро Флорестің жойылғанын хабарлады.
Трамптың айтуынша, операция Венесуэла билігімен бірлесіп жүргізілген. АҚШ қорғаныс министрі Pete Hegsethбұл соққының осы аптада жасалғанын және Геррероның қаза тапқаны анықталғанын растады.
Венесуэланың ақпарат министрлігі де операция барысында қылмыстық топ мүшелерімен қақтығыс болғанын мәлімдеді. Сол қақтығыстар кезінде Геррероның көзі жойылған. Бұған дейін Трамп әкімшілігі Геррероға және Tren de Aragua ұйымының басқа да жетекшілеріне бірнеше рет санкция салған.
ОқыңызАҚШ билігі оларды есірткі саудасы, адам саудасы және ақшаны заңсыз жолмен жылыстатуға қатысы бар деп айыптаған. Сондай-ақ АҚШ Мемлекеттік департаменті бұл топты шетелдік террористік ұйымдар тізіміне енгізген.
Tren de Aragua Латын Америкасындағы ең ірі қылмыстық ұйымдардың бірі саналады. Аймақтың құқық қорғау органдарының мәліметінше, ұйым адам саудасы, адам ұрлау, бопсалау, тапсырыспен кісі өлтіру, контрабанда және ұйымдасқан қылмыстың басқа да түрлерімен айналысқан.
Герреро 2023 жылы Венесуэладағы Tocorón Prison түрмесінен полиция рейді басталар алдында ұйымның басқа жетекшілерімен бірге қашып кеткеннен кейін халықаралық іздеуге жарияланған болатын.
Сонымен қатар 24 ақпанда АҚШ Мексикаға "Халисконың жаңа буыны" (CJNG) есірткі картелінің басшысы, Эль Менчо лақап атымен танымал Nemesio Oseguera Cervantes ұсталуына бағытталған операцияда көмек көрсетті. Алайда оны тірідей қолға түсіру мүмкін болмады. Қарулы қарсылық барысында Эль Менчо және картельдің тағы алты мүшесі жараланып немесе қаза тапқан. Кейін Мехикоға жеткізу кезінде жараланғандардың арасында болған Сервантес те қайтыс болған.
Еске салайық, бұған дейін АҚШ билігі Венесуэла президенті Николас Мадуроға есірткі саудасына, терроризммен байланысқа және қару-жараққа қатысты ауыр айыптар таққан. Нью-Йорктегі сотта ол өзіне тағылған айыптарды мойындамай, өзін әлі де Венесуэланың заңды президенті деп мәлімдеді. Ал Каракас бұл әрекеттерді мемлекеттік егемендікті бұзу деп бағалап, халықаралық қауымдастықты АҚШ-тың әрекетіне баға беруге шақырып отыр.
Қазақстандық түрмелерде енді сотталғандар отбасымен видеотаксофон арқылы сөйлесе алады
