Ресейдің Қорғаныс министрлігі мен Гамалея орталығы өткізген коронавирусқа қарсы вакцина сынақтарына қатысқан еріктілердің бірінші тобы Бурденко ауруханасынан шығарылды.

"Вакцинациядан кейін 28 күн бойы еріктілердің өмірлік белгілері қалыпты шектерде қалды, ешқандай жағымсыз құбылыстар, денсаулығына қатысты шағымдар, асқынулар немесе жағымсыз реакциялар тіркелмеді. Қолда бар зертханалық және аспаптық зерттеулер вакцинаның қауіпсіздігі мен төзімділігі туралы сеніммен айтуға мүмкіндік береді", - делінген хабарламада.

Ведомствоның мәліметінше, еріктілер вакцинацияны бірінші салған уақыттан 42 күн өткен соң қорытынды медициналық тексеруден және диагностикадан өту үшін бір күнге госпитальға баруы керек.

Covid-19-ға қарсы вакцинаны сынап жатқан Сеченов университетінде де бір топ ерікте үйлеріне қайтты. Сеченов университетінің трансляциялық медицина және биотехнология институтының директоры Вадим Тарасов зерттеуге дені сау адамдар тобы қатысқанын хабарлады. Еріктілерде бір адамдық бөлмеде қалып қойғандықтан, бірнеше ай бойы өзін-өзі оқшаулау, екі апталық обсервация кезеңіне байланысты, психологиялық шаршау байқалған. Олардың кейбіреулеріне психологиялық көмек қажет болған.

Сеченов университетінің дәрілік заттарды клиникалық зерттеу орталығының жетекшісі Елена Смолярчук коронавирусқа қарсы вакцинаны тіркеу үшін зерттеудің бірінші кезеңіндегі оның тиімділігі жеткілікті болады деп мәлімдеді.

Талқылау