Ресейде қаза тапқан қазақстандық курсант ұлттық қауіпсіздікті құқықтық қамтамасыз ету саласында білім алған
Ресейде қайтыс болған қазақстандық курсант ұлттық қауіпсіздікті құқықтық қамтамасыз ету саласында білім алған деп хабарлайды Stan.kz ақпарат агенттігі.
Курсант Ресей Федерациясы Ұлттық ұланының Саратов әскери институтында білім алған. Оның қаза табуына қатысты пікір білдірген ҚР ІІМ "Арыстан" мамандандырылған лицейін 2020 жылы бітіргеннен кейін әскери қызметші іріктеуден өтіп, Ресей Федерациясы Ұлттық ұлан әскерлерінің Әскери институтына жіберілгенін мәлімдеді. Онда "Ұлттық қауіпсіздікті құқықтық қамтамасыз ету" мамандығы бойынша білім алған.
"Қазақстан Республикасы Ұлттық ұлан академиясының қолбасшылығы жауынгердің қайтыс болуына байланысты отбасы мен жақындарына қайғыларына ортақтасып, көңіл айтады", – деп қосты ведомство өкілдері.
- "Алдымен жастардың өз өзіне қол жұмсауының себебін түсінуіміз керек": Қорғаныс министрі жас сарбаздардың өліміне әскердің кінәлі емес екенін айтты
- "Сержант пен командирлердің де кінәсі бар": Әскерге барған соң көз жұмған Әлібек Қалбайдың туыстары әділ шешім шығаруды талап етті
Еске салайық, 19 ақпанда Ресейдегі Саратов қаласында әскери институттардың бірінде 19 жастағы қазақстандық курсант өзін атып өлтіргені белгілі болған. Бұл жайлы алғаш ресейлік басылымдар жазды.
Оқиға Ф.Э.Дзержинск атындағы ұлттық гвардия әскерінің институтында болған. Курсанттың мәйіті 19:00 шамасында табылған. Бұған дейін ол 18:00-де Калашников автоматын ұстап кезекшілікке шығыпты.
Бірақ уақыттан соң курсанттар қаруды өткізуге қойма алдында жиналған. Алайда қазақстандық курсант кептіргіш бөлмеге кетіп қалыпты. Қайғылы оқиға да дәл осы жерде орын алған. Әзірге мамандар курсант өзіне қол салуы мүмкін деп топшылап отыр. Бұл дерек бойынша тергеу басталған.
"Алдағы 10 жылда мұнай қоры таусылады": Сарапшылар "қара алтынсыз" Қазақстанның болашағы қандай боларын болжады
