Қорғаныс министрлігі Ресейдің жауынгерлік зымырандарының Қазақстан аумағында сыналғанын растады
Мәжіліс кулуарында қорғаныс министрінің орынбасары Шайх-Хасан Жазықбаев Ресей Қазақстаннан жалға алған Сарышаған полигонында қандай зымырандарды сынақтан өткізіп жатқанын айтты. Бұл туралы Stan.kz ақпарат агенттігі хабарлайды.
Вице-министр “Сарышаған” полигоны 2030 жылға дейін жалға берілгенін айтты.
“Онда Ресей Федерациясының 110-оқу орталығы сынақ өткізеді. 200 шақырым ұзаққа ұша алатын зымырандар ұшырылады. Бұл полигонда ешқандай инфрақұрылым, тұрғын жоқ, ешкім зардап шекпейді”, – деді министр орынбасары.
Сонымен қатар ол 50 сағат қана сынақ жүргізілетінін айтты.
“Сарышаған полигонының келісімшартын сыртқы істер министрлігі қарайды. Біздің құзыретімізге жатпайды”, – деп сұрақтан қашты ол.
Онда Ресей федерациясының қанша әскері бар деген журналист сұрағына вице-министр “900 адам” деп жауап берді.
Айта кетейік, 2022 жылы Ресей қорғаныс министрлігі 2 қарашада Қазақстаннан жалға алып отырған Сарышаған полигонында жаңа ракетаны сынақтан өткізгенін мәлімдеген еді.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
