Ресей Қазақстанға сирек кездесетін жолбарыстарды жіберуге дайын екенін мәлімдеді
Ресей халықаралық Қызыл кітапқа енген Амур жолбарыстарын Қазақстанға жібермек. Бұл туралы Stan.kz ақпарат агенттігі РИА Новости порталына сілтеме жасап хабарлайды.
Фото: pixabay.com
Бұл жаңалықты Владивостокта өткен Шығыс экономикалық форумында "Амур жолбарысы" орталығының бас директоры Сергей Арамилев мәлімдеді.
Осылайша өткен ғасырдың ортасында Қазақстанда жоғалып кеткен Тұран жолбарыстарының популяциясын жандандыру жоспарланып отыр. Қиыр Шығыста тұратын Амур жолбарысы генотипі бойынша Тұранға өте ұқсас. Ол – халықаралық Қызыл кітапқа енгізілген планетаның сирек кездесетін жыртқыштарының бірі.
"Қазақстан билігінің шешімін күтеміз. Егер олар бұл процесті жалғастырып, ғалымдар мен мамандары дайын болса, жолбарыстардың қажет санын беруге әзірміз", – деді Сергей Арамилев.
Бірінші кезеңде Қазақстанда төрт жас жолбарыстан екі аталық пен екі ұрғашы шығару жоспарланып отыр.
Талқылау
Азық-түлік, газ, темекі қымбаттайды, әскерилер үйді жекешелендіріп ала алады: Қазақстанда 1 шілдеден бастап не өзгереді
1 шілдеден кейін жұмысқа кіретін күштік құрылымдарындағы қызметкерлерге үй мәселесі бойынша жаңа тәртіп енгізілмек
Шерзат ісі бойынша үкім, Израиль-Иран қақтығысы, Үндістандағы ұшақ апаты: Маусым айы несімен есте қалды
Сонымен қатар министрліктердің басшылары ауысқан