Рактың даму қаупін 60 пайызға төмендететін тәсіл аталды
Швейцарияда Цюрих ауруханасы Университетінің ғалымдары онкологиялық аурулардың даму қаупін 60 пайызға қысқартатын тәсілді атады. Зерттеу нәтижесі Frontiers in Aging басылымында жарияланды, деп хабарлайды Stan.kz ақпарат агенттігі.
Еуропаның бес елінде (Швейцария, Франция, Германия, Австрия және Португалия) үш жыл бойы ғалымдар 2 мыңнан аса адамды зерттеуге алды. Оларға D, омега-3 дәрумендері жоғары дозада берілді. Сондай-ақ, қатысушылар үй жаттығуларын тұрақты түрде жасады.
Ақырында адам дәрумендерді қабылдай отырып, спортпен айналысқан жағдайда, оның ракпен ауыру қаупі 61 пайызға төмендейтіні анықталды.
Сәуір айында Солтүстік Каролина Университетінің (АҚШ) ғалымдары да физикалық жаттығулардың рактың дамуына әсерін дәлелдеді. Зерттеу нәтижесі бойынша, спортпен шұғылдану кахексияның пайда болу қаупін 60 пайызға төмендететіні дәлелденді.
Талқылау
Пікір