Қызылордада аттракцион жігіттің аяғын "шайнап" кетті (видео)
Қызылордада аттракцион 18 жастағы жігіттің аяқтарын басып қалған. Бұл туралы Stan.kz ақпарат агенттігі хабарлайды.
Әлеуметтік желіде оқиғаның видеосы тарады. Жазба авторының айтуынша, оқиға Қызылордадағы "Арай" қалалық саябағында болған.
Ақпаратты өңірдің полиция департаменті растады.
Полиция абайсызда адам денсаулығына ауыр зиян келтіруге әкеп соққан еңбек қауіпсіздігі ережелерін бұзу дерегі бойынша қылмыстық іс қозғады.
"Қазір іс бойынша оқиғаның барлық мән-жайын жан-жақты, толық және объективті түрде анықтауға бағытталған тергеу әрекеттері жүргізілуде. Қылмыстық іс бойынша шешім заң талаптарына сәйкес қабылданады", – делінген полиция департаментінің хабарламасында.
Көпсалалы облыстық аурухананың мәліметінше, оқиға салдарынан 18 жастағы жігіт екі аяғынан айырылған.
"2007 жылы туған, 18 жастағы науқас жедел жәрдем бригадасымен аса ауыр жағдайда жеткізілді. Науқас шұғыл түрде операцияға алынды. Жүргізілген хирургиялық араласу көлемі: сол аяғы санның жоғарғы үштен бір бөлігінің деңгейінде ампутацияланды, оң аяғы тобық буыны деңгейінде ампутацияланды", – деді аурухананың бас дәрігері Жасұлан Баймаханов.
Науқастың жағдайы ауыр жарақат салдарынан өте ауыр деп бағаланып отыр.
Еске салсақ, бұған дейін Астанада аттракцион кабинасы үзіліп, екі кішкентай қыз ұшып кеткені туралы жазған едік.
"Балалардың қызуы 40°C-қа дейін көтеріліп, ауруханаға түсіп жатыр": Алматыда қандай инфекциялар таралып жатқаны белгілі болды
Маман ата-аналар баланың жағдайын мұқият бақылауы керегін ескертті
“ҚазМұнайГаз” 34 көлікті бес жылға жалдауға 4,2 миллиард теңге жұмсамақ
«ҚазМұнайГаз» 4,2 миллиард теңгеге көлік жалдамақ: компанияның жауабы қандай?