Қорғаныс вице-министрінің ұлы әскерде қызмет ете ме: Мұстабеков өзі жауап берді
Мәжіліс кулуарында Қорғаныс вице-министрі Асқар Мұстабеков ұлының әскерде қызмет ететінін айтты. Бұл туралы Stan.kz ақпарат агенттігі хабарлайды.
Журналистер Асқар Мұстабековтен өз ұлы әскерде қызмет ете ме, етпей ме, соны сұрады.
Оқыңыз“Қазір ұлдарымның бірі әскерде қызмет етіп жүр. Ол шекара қызметінде. Ешқандай шағымы жоқ. Болашақта келісімшарт негізінде әскери қызметін жалғастыруды жоспарлап отыр”, – деді вице-министр.
Асқар Мұстабековтің айтуынша, келісімшарт бойынша қызметте қалу – ұлының өз таңдауы.
Айта кетейік, бұған дейін Алматыда әскерге күштеп әкеткен студенттің анасы президенттен араша сұрағаны туралы жазған едік.
