Қазақстанда жоғары оқу орындарына қабылдау жүйесі өзгереді: Талапкерлерді не күтіп тұр

Фото: istockphoto.com

Қазақстандағы кейбір жоғары оқу орындарына талапкерлерді қабылдау тәртібі өзгереді. Бұл туралы Stan.kz ақпарат агенттігі хабарлайды. 

Премьер-министрдің орынбасары – мәдениет және ақпарат министрі Аида Балаеваның айтуынша, қазір жоғары оқу орындарының дарынды талапкерлерді өз бетінше іріктеу мүмкіндіктері шектеулі. Министр бұл сынның, әсіресе, адами капиталды дамытудың негізгі қозғаушы күші саналатын педагогикалық жоғары оқу орындарына қатысты екенін атап өтті.

“Педагогикалық жоғары оқу орындарына талапкерлерді іріктеу кезінде тестілеу жүйесі мен арнайы емтихандарды қатар қолданатын гибридті бағалау формасын енгізу. Бұл ретте негізгі назар тек пәндік білімге ғана емес, ойлау қабілетіне, талдау дағдыларына, оқуға дайындық деңгейіне және басқа да маңызды көрсеткіштерге аударылуы тиіс”, – деді Балаева. 

Оқыңыз

Қазақстанда ҰБТ-ға балама жаңа тест енгізіледі Оқыңыз

Министр өзгерістердің келесі жылдан бастап енгізілетінін атап өтті. 

“Келесі жылдан бастап педагогикалық мамандықтарға түсу кезінде ҰБТ-мен қатар ауызша емтихандардың нәтижелері де ескеріледі. Бұл емтихандарда талапкерлердің сыни ойлау қабілеті мен коммуникациялық дағдылары негізгі критерий болады. Сондай-ақ бұл мәселеде халықаралық сарапшылармен бірлесіп әзірленіп жатқан жаңа Admissions Insight Test тапсырмаларына ерекше мән беріледі”, – деді Аида Балаева. 

Еске салсақ, бұған дейін Қазақстанда келесі жылдан бастап Ұлттық біріңғай тестілеу тек бір рет өткізілетіні туралы жазған едік. Аида Балаева ҰБТ-ны бірнеше рет тапсыру жүйесі талапкерлерді сапалы іріктеу мәселесін толық шешпейтінін атап өтті.