Қазақстанда Qarmet, Allur және Kia автокөлік қаңқасын өндіруге кіріспек
Қазақстанда автокөлік өндірісін жаңа деңгейге шығару жоспарланып отыр. Үкімет енді көлікті жай құрастырумен шектелмей, оның бөлшектерін де ел ішінде шығарып, өндірісті тереңдетуге кіріспек. Бұл туралы Stan.kz ақпарат агенттігі хабарлайды.
Toyota әзірге 11,2 миллион көлік сатумен көш бастап тұр. Одан кейін Volkswagen – 9,2 миллион, Ford – 4,6 миллион. Алайда кейінгі жылдардағы ең үлкен өзгеріс – қытайлық өндірушілердің қарқынды өсуі. BYD 3 миллион автокөлік сатып, алтыншы орынға көтерілді және тарихы әлдеқайда ұзақ көптеген брендтерді артта қалдырды.
Бүгінде бәсеке тек сатылым көлемімен шектелмейді. Автоөндірушілер аккумулятор, электроника, бағдарламалық қамтамасыз ету, қосалқы бөлшектер және бүкіл жеткізу тізбегін бақылау үшін жарысып жатыр. Өзінің технологиялық әрі өндірістік базасы бар қытайлық компаниялар жаңа модельдерді жылдам шығарып, олардың бағасын төмендетуге мүмкіндік алып отыр.
Осыған байланысты автокөлік өнеркәсібін дамыту мәселесі кеше өткен Үкімет отырысында да талқыланды. Премьер-министр Олжас Бектенов Қазақстанның құрастыру өндірісінен толыққанды жоғары технологиялық автокөлік өндірісіне көшуі қажет екенін айтты.
Өнеркәсіп және құрылыс министрлігінің мәліметінше, соңғы бес жылда салаға шамамен 457 миллиард теңге инвестиция салынған. 2025 жылы Қазақстанда 171 мыңнан астам автокөлік өндірілді. 2026 жылдың алғашқы жартыжылдығында өндіріс 35%-ға өсіп, 94,4 мың көлікке жетті. Салада 10 мыңнан астам адам еңбек етеді, ал 2026 жылдың жоспары – 190 мыңға жуық автокөлік шығару. Үкімет негізгі назарды өндірісті жергіліктендіруді тереңдетуге аударып отыр. Kia Qazaqstan кәсіпорны электросымдар, орындықтар, интерьер бөлшектері және басқа да компоненттердің өндірісін кеңейтіп жатқанын хабарлады.
Биыл компания 9 772 автокөлік шығарды. Оның басым бөлігі CKD технологиясымен өндірілген. Осы әдіс бойынша көлік Қазақстан аумағында дәнекерленіп, боялып және толық құрастырылады. Өнеркәсіп министрлігі өңірлерде автокомпоненттер өндірісінің кеңейіп жатқанын мәлімдеді.
Қазақстандық кәсіпорындар бүгінде шиналар, аккумуляторлар, қозғалтқыштың кейбір бөлшектері, орындықтар, мультимедиялық жүйелер және автобустарға арналған металл элементтерін шығарады.
Алдағы уақытта бамперлер, электр сымдары, доңғалақ дискілері мен лак-бояу материалдарын өндіру жобалары іске қосылады. Сонымен қатар Qarmet, Allur және Kia Qazaqstan қазақстандық болаттан автомобиль қаңылтырын шығарып, кейін кузов бөлшектерін өндіру жобасын пысықтап жатыр. Жоспар бойынша Qarmet 2028 жылы автомобиль қаңылтырын шығаруды бастаса, кузовтардың сериялық өндірісі 2029 жылға жоспарланған.
ОқыңызҮкімет отырысында кадр даярлау мәселесіне де ерекше назар аударылды. Ғылым және жоғары білім министрлігінің мәліметінше, автокөлік саласына мамандарды 19 жоғары оқу орны 34 білім беру бағдарламасы бойынша даярлайды.
Қазір цифрлық өндіріс, роботтандыру және жасанды интеллект бағыттарымен байланысты инженерлік мамандықтарда 4 мыңға жуық студент білім алуда. 2026 жылы осы бағыттарға 3 мыңнан астам мемлекеттік грант бөлінген.
Үкімет алдағы кезеңге арналған үш негізгі бағытты белгіледі:
- өндірістік кластерлерді кеңейту;
- автонесиелеу, лизинг және Trade-in бағдарламаларын дамыту арқылы автопаркті жаңарту;
- автокөліктерді заңсыз әкелуге бақылауды күшейту. Бұл үшін көліктерді шекарадан өтпей тұрып цифрлық құралдар арқылы тексеру жоспарланып отыр.
Үкімет отырысындағы талқылау Қазақстанда автокөлік өнеркәсібінің басымдығы біртіндеп шығарылатын көлік санына емес, өндірісті терең жергіліктендіруге ауысып жатқанын көрсетті. Болат, кузов бөлшектері, электроника және басқа да компоненттерді ел ішінде өндіру қосылған құнның көбірек бөлігін Қазақстанда қалдыруға мүмкіндік береді. Саланың нақты дамуы өндіріс көлемімен ғана емес, қазақстандық жеткізушілердің, инженерлердің және импортқа тәуелді емес тұрақты өндірістік экожүйенің қалыптасуымен өлшенеді. Бірақ түпкі нәтиже жоспарлардың қалай жүзеге асырылатынына байланысты.
Еске салайық, бұған дейін үкімет 2028 жылға дейін Қазақстанда Li Auto, OMODA, JAECOO және SITRAK брендтерінің өндірісін іске қосуды жоспарлап отырғанын хабарлаған еді. Сондай-ақ BYD компаниясымен бірлесіп жоғары жылдамдықты электр қуаттау стансаларының желісін дамыту көзделген. Сондай-ақ өнеркәсіп және құрылыс министрлігі Мемлекет басшысының Қытайға сапары аясында автомобиль жасау саласында бірқатар маңызды келісімге қол жеткізілгенін хабарлаған
Қазақстандық әйел ұлын 380 мың теңгелік "Жаңа Ұрпақ" лагерінде ұрып тастағанын айтты
