Қарағандыда мотоцикл тізгіндеген жасөспірім 8 жасар қызды қағып өлтірді
Қарағандыда 8 жасар қызды қағып өлтірген кәмелетке толмаған жүргізушінің ата-анасына қатысты қылмыстық іс қозғалды. Бұл туралы Stan.kz ақпарат агенттігі хабарлайды.
Полицияның мәліметінше, оқиға 9 мамыр күні болған.
"9 мамыр күні Қарағанды қаласының Көкпекті станциясында 17 жастағы жүргізуші "Эндуро" маркалы мотоциклді басқарып келе жатып, жаяу жүргінші – 8 жастағы қыз баланы қағып кеткен. Алған ауыр жарақаттарының салдарынан қыз оқиға орнында көз жұмды", – делінген Қарағанды облыстық полиция департаментінің хабарламасында.
Полиция мәліметінше, жүргізушінің өзі де түрлі жарақат алып, ауруханаға жатқызылған.
ОқыңызАталмыш дерек бойынша қылмыстық іс қозғалып, тергеу амалдары жүргізілуде.
Сонымен қатар жасөспірімнің ата-анасына қатысты адам өліміне әкеп соққан, басқару құқығы жоқ адамға көлік құралын басқаруға рұқсат беру дерегі бойынша қылмыстық іс қозғалды.
Полиция кәмелетке толмағандардың көлік құралдарын басқаруына жол беруге болмайтынын еске салып, ата-аналарды қауіпсіздік шараларын сақтауға шақырды.
Еске салсақ, бұған дейін Ақтауда полицей 1,5 жасар баланы қағып өлтірді деген күдікке ілінгені туралы жазған едік.
2026 жылы шетелдік көрмелерге Алматы әкімдігі 1 млрд теңге жұмсайды: Делегациялар Дубай, Токио және Гонконгқа барады
Әр көрмеге орта есеппен 80 миллион теңгеден қарастырылған
"Ағаш сындырып, от жаққан, пиротехника атқан": Алматылықтар Бұтақты мен Көкжайлаудағы күл мен қоқысқа шағымданды
Тауға демалуға барған жұрт от жағып, тамақ пісіруге тыйым салу керек десті