Президент стипендиясы: оны кімдер ала алады және көлемі қанша?
Биылғы жоғарғы оқу орны студенттері мен магистранттарына тағайындалатын Президент стипендиясы ашық талқылауға шығарылды. Ғылым және жоғары білім министрі бұйрығында бұл қаржылай қолдау 4 министрлік арасында бөлінген деп хабарлайды Stan.kz ақпарат агенттігі.
Биыл Президент стипендиясы 1080 бакалавр студенті мен 8 магистрантқа тағайындалады. Ерекшелігі – бұл стипендияны алу үшін университетте грантта оқу міндетті емес. Қаржылай қолдауды ақылы бөлім студенттері де ала алады. Әрі оқу жылының бір семестрі бойы төленеді. Стипендия ректор бұйрығымен беріледі.
Ғылым және жоғары білім министрінің бұйрығы “Ашық НҚА” порталында 20-шы наурызға дейін қоғамдық талқылаудан өтеді. Сондай-ақ 2023 жылға жоспарланған Президент стипендиясы төрт министрлік арасында бөлінеді. Яғни:
- Мәдениет және спорт министрлігі – 24 бакалавр және 1 магистратура студентіне;
- Денсаулық сақтау министрлігі – 6 студентке;
- Ауыл шаруашылығы министрлігі – 45 студентке;
- Ғылым және жоғары білім министрлігі – 1005 бакалавр студентіне және 7 магистрантқа тағайындайды.
Биылғы Президент стипендиясының мөлшері бакалавр үшін 73 320 теңге болса, магистранттарға – 173 974 теңге.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн