Алматыда формасын киіп, көлікте сыра ішкен "полиция қызметкері" ұсталды (видео)
Әлеуметтік желіде полиция формасын киген ер адам көлікте сыра ішіп, оны белбеусіз айдап, мүгедектерге арналған тұраққа көлік қойып, қатты жылдамдықпен айдағаны туралы фото-видео тарады. Полицейдің бұл әрекетіне қатысты Stan.kz тілшісі Алматы полиция департаментінен жауап алды.
Белгілі @egovpress телеграм-арнасында полиция формасын киген адамның оғаш қылығы мен жұмыс уақытындағы этикаға сай емес фото-видеолары жарияланды.
Алматы полиция департаменті оның мүлдем құзырлы органда қызмет істемегенін мәлімдеді.
"Аталған факті бойынша тергеу амалдары жүргізілді. Тергеу кезінде бұл азаматтың полицияға еш қатысы жоқ екені анықталды. Ол мүлдем полиция бөлімшесінде қызмет атқармаған. Ол қамауға алынды. Сотталушы полиция киімін заңсыз пайдаланғаны және бірқатар жол ережесін бұзғаны үшін жауапқа тартылды", – деп жауап берді полиция департаментінің ресми өкілі.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді