Павлодарда он жылдан кейін олимпиада жүлдесін алған күресшіге пәтер берілді
Он жылдан кейін Лондон олимпиадасының жүлдегері болған күресші Дәулет Шабанбайға бір бөлмелі пәтер берілді деп хабарлайды Stan.kz ақпарат агенттігі Павлодар облысы әкімдігінің ақпаратына сүйеніп.
inform.kz
Дәулет Шабанбай – еркін күрестен Азия чемпионатының төрт дүркін (2008, 2009, 2011, 2014) қола жүлдегері, Азия ойындарында күміс медаль алған. Спортшы 2012 жылы Лондон олимпиадасынан ештеңе ұта алмай қайтқан еді. Бірақ биылғы қыркүйекте өткен допинг тексерісінен кейін Грузия мен Өзбекстан спортшылары нәтижелері есепке алынбай, Шабанбай олимпиаданың қола медалін алды.
Спортшы карьерасын аяқтағаннан соң палуан жаттықтырушы болмақ.
"Басты мақсат – жастарға тәжірибем мен еңбексүйгіштік қасиеттерді жеткізе білу. Еңбек бәрін де жеңбек. Қазақстан спортының туы биіктен желбірей берсін", – дейді Дәулет Шабанбай.
Қазақстандық мұғалімдер жұмыстан тыс уақытта түнгі рейдке шығуға әлі де мәжбүр екенін айтты: Оқу-ағарту министрлігі не дейді
Мұндай істі міндеттесе мектеп басшылығына 86 500 теңге мөлшерінде айыппұл салынады
Түркістандық көпбалалы ана үйіне келіп жәрдемақыдан бас тартуды талап еткендерге шағымданды
Әсел: "Сөйте тұра маған “сіз А категориясындағы отбасына жатасыз" деді"