Павлодарда оқушыны екі рет көлік қағып кете жаздады (видео)
Павлодарда жаяу жүргіншілер жолында оқушы қызға екі көлік те жол бермей, қағып кете жаздаған деп хабарлайды Stan.kz ақпарат агенттігі Polisia.kz Telegram-арнасына сілтеме жасап.
Түсірілімнен скриншот
Бейнежазбада жүргізушілердің жол қозғалысы ережелерін бұзғаны байқалды. Екі жүргізуші реттелмеген жаяу жүргіншілер жолынан өтіп бара жатқан кәмелетке толмаған қызды жолдан өткізбеген. Қыз екі рет соқтығысудан аман қалды.
Hyundai Accent автокөлігінің 36 жастағы жүргізушісі және Volkswagen Touran автокөлігінің 56 жастағы жүргізушісі жаяу жүргіншіге өтуге мүмкіндік бермегені үшін ҚР ӘҚБтК-нің 600-бабы 1-бөлігі бойынша әкімшілік жауапкершілікке тартылды.
“Әрқайсысына 10 АЕК мөлшерінде, яғни 34 500 теңге айыппұл салынды. Жүргізушілермен осындай фактілерге жол бермеу туралы әңгіме жүргізілді”, – деп мәлімдеді ПД.
Полиция жүргізушілерге жол қозғалысы ережелерін қатаң сақтап, жаяу жүргіншілер жолында мұқият болуды ескертеді.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр