Павлодар облысында балалар орманды өртегені үшін ата-аналарына айыппұл салынды
Павлодар облысы Шалдай орман шаруашылығына қарасты №124 кварталда құрғақ шөп пен орман қоқысы өртенді. Жалынға балалар кінәлі екені анықталды. Бұл туралы Stan.kz ақпарат агенттігі хабарлайды.
Фото: Pixabay.com
3 маусымда орман шаруашылығының 100 шаршы метрін өрт шарпыды. Өртті сөндіруге 10 адам шығып, үш арнайы техника жұмылдырылған.
"Шарбақты ауданының төтенше жағдайлар бөлімінің, "Ертіс орманы" табиғи резерватының және полиция қызметкерлері өртті балалар тудырғанын анықтады. Олардың ата-аналарына "Кәмелетке толмаған адамды тәрбиелеу және (немесе) оқыту, құқықтары мен мүдделерін қорғау жөніндегі міндеттерді орындамау" бойынша айыппұл салынды, – делінген хабарламада.
Балалардың әрекеті үшін ата-аналар 36 920 теңгеден төледі.
Еске салсақ, Жамбыл облысындағы орман шаруашылығында өрт шыққаны айтылған еді.
Талқылау
Соңғы бес жылда 1,5 миллиардқа жуық теңгеге 47 мультфильм түсіріліп, тек төртеуі экранға шыққан
Киностудия биыл толықметражды "Алтын адам" анимациялық фильмі аяқталғанын атап өтті
"Мықты еркек қана көп әйел ала алады": Тоқал болуға келіскен қазақстандық өмірінен сыр шертті
Кейіпкер: "Жылылықты таппаса екіншіні, үшіншіні, тіпті төртіншіні де іздей бастайды"