Павлодар облысында дәрігерден телефонмен кеңес алған ер адам әйелін өзі босандырып алған
Павлодар облысындағы Майқайың ауылының тұрғыны жедел жәрдем диспетчерімен телефон арқылы кеңесіп, әйелін босандырып алды. Бұл туралы Stan.kz ақпарат агенттігі хабарлайды.
103 қызметіне шұғыл қоңырау таңғы төрттер шамасында түскен. Ер адам 24 жастағы әйелінің толғағы жиілей бастағанын хабарлады. Диспетчер дәрігерлер тобын сол жерге жіберіп, өзі болашақ әкеге телефон арқылы нұсқау берген.
Оқиға орнына жедел жәрдем жеткенде нәресте әлдеқашан дүниеге келіп қойды.
"Баланың салмағы – үш келі, бойы – 52 сантиметр. Бала мен оның анасы бірқалыпты жағдайда Майқайың ауылдық аудандық ауруханасына жеткізілді", – деп хабарлады облыстық жедел жәрдем станциясының баспасөз қызметінен.
Бұл жыл басынан бері ауруханада босанбаған 13-жағдай. Бес рет дәрігерлер сәбиді жедел жәрдем көлігінде босандырса, тағы сегіз әйел үйде босанған.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"