Павлодар облысында биткоин өндіретін ферма өртенді
Павлодар облысында биткоин өндіретін майнинг ферма отқа оранды. Әзірге өрттің шығу себебі белгісіз. Полиция мәселенің мән жайын анықтауда, деп хабарлайды Stan.kz ақпарат агенттігі КТК арнасына сілтеме беріп.
Павлодар облысының Солнечный ауылының тұрғындары өрт басталғанын түске қарай байқаған. Сол маңдағы майнинг фермадан шыққан түтін айналаны түгел басып қалған, бірден өрт сөндірушілерге хабар беріпті.
Оқиға орнына 14 құтқарушы келіп, тілсіз жау екі жарым сағатта ауыздықталды. Криптовалюта өндірушілеріне қанша шығын келгені әзірге белгісіз.
Бір биткоинның құны 60 мың доллардан жоғары сатылуда.
Павлодар облысы ТЖД бастығы Ернұр Өтегенов гидроэлектр стансасы маңындағы майнингпен айналысатын компания кеңсесінің 150 шаршы метрі жанып кеткенін хабарлады.
"Қаза тапқандар мен жарақат алғандар жоқ. Қазір келтірілген шығын көлемі есептеліп жатыр", - деді ол.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан