Париж Олимпидасының жүлдегерлеріне тегін білім гранттары берілді

Париж Олимпидасының жүлдегерлеріне тегін білім гранттары берілді. Бұл туралы Stan.kz ақпарат агенттігі хабарлайды. 

Фото видеодан алынған

Париж Олимпиада ойындарының күміс жүлдегерлері Демеу Жадраев, Нариман Құрбанов және қола жүлдегері Ғұсман Қырғызбаевқа спорт және туризм академиясының оқу гранттары берілген.

Ақпаратты академия өкілдері растады. 

“Демеу Жадраевқа докторантурада, Нариман Құрбанов пен Ғұсман Қырғызбаевқа магистратурада тегін білім алуға мүмкіндік беретін академия гранты табысталды”, – делінген хабарламада. 

"Несиесін жауып, үйін әперіп қояды": Белгілі спорт журналисі Париж олимпиадасына қатысқан спортшылардың жағдайы алдын-ала жасалғанын айтты

Спорт және туризм академиясының желідегі парақшасында спортшыларға оқу гранттарын салтанатты түрде табыстау сәтінің видеосы жарияланды.

Еске салсақ, бұған дейін президент Қасым-Жомарт Тоқаев Олимпиада ойындарының жүлдегерлерімен кездескен еді.