"Өзіміз отырып шай ішейік": Дубайдағы концертінде қазақша қалжыңдаған Димаш елді күлдірді
Димаш Құдайберген Дубайдағы концертінде болған қызықты сәттің видеосын жариялады. Онда әнші қазақ тілінде әзілдеп, жиылған жұртты күлкіге қалдырған, деп жазады Stan.kz ақпарат агенттігі.
Әлемнің түкпір-түкпірінде Dears-тардың басын қосып жүрген Димаш көпшілікке түсінікті болу үшін концерттерінде ағылшын тілінде сөйлейді. Бұл жолы Құдайбергенов қазақ тілін де қолданған.
"Қалайсыздар, құрметті ағайын? Өзіміз отырып шай ішейік деген сияқты, қазақша сөйлегенге кәдімгідей рахаттанып отырмын. Не қыл дейді? Қазақша қазір болады. Ел-жұрт аман ба? Амансыздар ма?" – деп халықтың жағдайын сұрады әнші.
Қазақ тілін түсінетін тыңдармандар әншінің әзіліне күлсе, қалғандары Димаштың сөзін аударып беруді өтінді.
Айта кетейік, Димаш Құдайберген 25 наурыз күні Дубайдың Coca-Cola аренасында концерт берді.
Талқылау
“Үш жерде жұмыс істесем де, отбасымды асырауға жетпеді”: Шотландияға кеткен отандасымыз Қазақстандағыдан 10 есе көп жалақы алатынын айтты
Уәлихан Умиров: "2 миллион теңгеден аса айлық аламын"
"5 балам бар": Алматыда хостелдегі 13 адамның өліміне қатысты сотта айыпталушы бас бостандығынан айырмауды сұрады
Адвокаттар бұл істе барлық кінәлі сотқа тартылмағанын айтты