Сенатта "Қылмыстық сот ісін жүргізу, жаза атқару саласындағы адам құқықтары, сондай-ақ азаптаулардың және басқа да қатыгез, адамгершілікке жатпайтын немесе ар-намысты қорлайтын іс-әрекеттердің алдын алу мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы" қабылданған заң жобасында бірқатар жағдайлар үшін санкцияларды күшейту қарастырылған.

“Жаппай тәртіпсіздіктерге шақыру (ҚК 272-бабының 1-бөлігі, 3 жылдан 5 жылға дейін бас бостандығынан айыру), оның ішінде телекоммуникация желілерін пайдалана отырып (ҚК 272-бабының 2-бөлігі, құқық бұзушылықтың жаңа құрамы-3 жылдан 7 жылға дейін бас бостандығынан айыру). Қылмыстық топ құрамында жасалған бұзақылық (ҚК 293-бабының 3-бөлігінен 4-бөлігіне, 5-тен 7-жылға дейін бас бостандығынан айыру). Бұл қылмыстық әрекеттердің жоғары қауіптілігімен және сәйкес келмейтін жауапкершіліктің төмендігімен байланысты. Ерекше цинизммен және қылмыстық топтың құрамында жасалған кісі өлтіру мен бандитизм, - деді Ішкі істер министрі.

Сонымен қатар ауыр қылмыс жасаған адамдарға шартты түрде мерзімінен бұрын босату мүмкіндігі қарастырылмайды.

“Отбасылық-тұрмыстық салада жасалатын құқық бұзушылықтардың құрамына, атап айтқанда: денсаулыққа ауыр зиян келтіру (ҚК 106-бабы); ауырлығы орташа зиян келтіру (ҚК 107-бабы); "кінәліге материалдық немесе өзге де тәуелді адамға қатысты іс-әрекет жасау" біліктілік белгілері енгізіледі. Бұл қылмыстың ауырлық дәрежесін күшейтеді (107-бап – онша ауыр еместен орташа ауырлыққа, 3 жылға дейін) және санкция артады. 106-бапқа сәйкес қазір 3 жылдан 8 жылға дейін, кейін 6 жылдан10 жылға дейін бас бостандығынан айырады”, - деді Марат Ахметжанов.

Талқылау