Өскеменде көпқабатты үйде газ жарылды (видео)
Өскеменде көпқабатты үйде газ жарылып, бір адам жарақат алды. Жарылыс салдарынан бірінші қабаттан бесінші қабатқа дейін терезелер сынған, деп хабарлайды Stan.kz ақпарат агенттігі.
Төтенше жағдайлар департаментінің мәліметінше, газ-ауа қоспасы жарылған. Оқиға 30 мамыр күні көпқабатты үйдің бесінші қабатында болған.
Жарылыс салдарынан ғимараттың бірінші қабатынан бесінші қабатына дейін барлық терезелер сынған. Сонымен қатар екі пәтердегі бөлме арасындағы қабырғалар қираған.
"Ауыр жағдайда 1989 жылы туған ер адам жеткізілді. Ол пәтерде жөндеу жұмысын жүргізіп жатқан. Төтенше жағдайлар департаментінің қызметкерлері пәтерден тұрғындарды эвакуациялады", – деді құтқарушылар.
Қазір оқиға орнында 25 құтқарушы мен 7 бірлік техника жұмыс істеп жатыр.
"Көмектесіңіз мен оны танымаймын деп жылады": Алматы облысында бейтаныс ер адам кішкентай баланы ұрламақ болған
Тұрғын: "Ер адам баланың ұлы екенін, жай ғана үйге кіргісі келмей тұрғанын айтты”
Ай сайын ит-мысықты асырауға 8 миллион теңге жұмсаймын
Панажай иелері күштеп жабуға тап болып отырғанын айтты