Өскеменде екі жүзге жуық адаммен байланыста болған әжейдің коронавирусқа шалдыққаны анықталды
Өскеменде екі жүзге жуық адаммен байланыста болған қарт әжейдің коронавирус жұқтырғаны анықталыпты, деп хабарлайды Stan.kz ақпарат агенттігі.
Бұл туралы Шығыс Қазақстан облысы денсаулық сақтау басқармасының жетекшісі Ілияс Мұхамеджан мәлім етті.
"1938 жылғы Өскемен тұрғыны өз бетінше рентгенге түсу үшін емханаға барыпты. Тексеру барысында оған өкпе қабынуы диагнозы қойылып, жедел түрде станционарға жеткізілген. Коронавирусқа тапсырған сынамасы оң нәтижені көрсетті", - дейді басқарма басшысы.
Қазір 82 жастағы науқастың жағдайы орташа дейді мамандар.
Қаңтар айында қарт тұрғын Ресейге сапар шегіп келген. Эпидемиялық тексеріс барысында науқаспен қарым-қатынасқа түскен 198 адам анықталыпты.
Әжейдің жақын туыстары станционарға, ал қалғандары үйлерін карантинге жатқызыпты.
Қазір Шығыс Қазақстан облысында коронавирус жұқтырған үш адам тіркеліпті.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі