Өскеменде екі ағайынды көршілерін өртеніп жатқан үйінен аман алып шықты
Өскеменде екі ағайынды көршілерін өрттен құтқарып қалды, деп хабарлайды Stan.kz ақпарат агенттігі.
Қалалық төтенше жағдайлар басқармасының мәліметінше, 5 сәуір күні Тимофеев көшесіндегі жеке үйде өрт болған. Екі ағайынды өртті байқап, көршілеріне көмекке асыққан. Олар терезені сындырып, үйде қалған екі ер адам мен әйелді оятқан.
"Құтқарушылар ағалы-інілі туысқандар болып шықты: Рафхат Қажахметұлы мен Дастан Елеусізов. Олар үйде адамдар бар екенін білгендіктен, өрт сөндірушілердің келуін күтпеді. Сонымен қатар, екі кейіпкер "көлеңкеде" қалуды жөн санап, өздері туралы егжей-тегжейлі айтудан, суретке түсуден бас тартты", - деп атап өтті ТЖБ.
Оқиға орнына келген №6 ӨСБ өрт сөндірушілері 30 шаршы метр аумақтағы отты сөндірді. Алдын ала болжам бойынша өрттің себебі отты абайсыз қолдану немесе өртеу болды.
Қазақстандық мұғалімдер жұмыстан тыс уақытта түнгі рейдке шығуға әлі де мәжбүр екенін айтты: Оқу-ағарту министрлігі не дейді
Мұндай істі міндеттесе мектеп басшылығына 86 500 теңге мөлшерінде айыппұл салынады
Түркістандық көпбалалы ана үйіне келіп жәрдемақыдан бас тартуды талап еткендерге шағымданды
Әсел: "Сөйте тұра маған “сіз А категориясындағы отбасына жатасыз" деді"