Осакаров ауданындағы ауыл шаруашылығы тауарын өндірушілер әлеуметтік жобаларға 865 млн теңге бағыттайды
Осакаров ауданының ауыл шаруашылығы тауарын өндірушілері елді мекендердің әлеуметтік инфрақұрылымын дамытуға және абаттандыру жұмыстарына белсенді атсалысып келеді. Аграрлық кәсіпорындармен жалпы сомасы 865 млн теңгеге 16 ынтымақтастық және әлеуметтік әріптестік туралы меморандумға қол қойылған.
Келісімдер аясында қарастырылған қаражат мектептер мен ауылдық мәдениет үйлерін жөндеуге және қажетті құрал-жабдықтармен қамтамасыз етуге, қоғамдық орындарды абаттандыруға, жолдарды жөндеуге, балалар және спорт алаңдарын орнатуға, көшелерді жарықтандыру жүйесін жаңғыртуға, сондай-ақ басқа да әлеуметтік маңызы бар жобаларды жүзеге асыруға бағытталады.
Мәселен, меморандумдар аясында Қарағайлы және Садовое ауылдарындағы елді мекенішілік және кірме жолдарды жөндеу, Қарағайлыдағы саябақты және Садовоедағы тың игерушілер аллеясын абаттандыру жоспарланған. Бірқатар елді мекенде көпфункционалды спорт алаңдары мен балалар ойын алаңдары бой көтереді.
Мәселен, Осакаров кентінде "Рассвет" ЖШС өз қаражаты есебінен ұзындығы 640 метр жол учаскесіне асфальт төседі.
“Қажетті жұмыстардың барлығы жүргізілді: жолдың негізі дайындалып, төсем төселіп, тегістелді. Одан кейін асфальт төселіп, нығыздалды. Нәтижесінде тұрғындар үшін жаңартылған әрі жүруге қолайлы жол учаскесі пайда болды”, — деді “Рассвет” ЖШС басшысы Виталий Ранерт.
Жасалған келісімдер білім беру, мәдениет, жол инфрақұрылымы, спорт және абаттандыру сияқты бірқатар маңызды бағыттарды қамтиды.
Бұл жобалардың жүзеге асырылуы Осакаров ауданындағы елді мекендердің әлеуметтік нысандары мен қоғамдық кеңістіктерінің жағдайын жақсартуға мүмкіндік береді.
