"Өмір бойы тегін ән айта бермейсің ғой": Серікбол Сайлаубек Алламен қарым-қатынасы мен тегін концерттер жайлы
Серікбол Сайлаубек осыған дейін ел аумағын аралап, ауыл-аудандарда 125 концерт бергенін айтады. Бірақ менің де бала-шағам өсіп келе жатыр, өмір бойы тегін ән айта бермейсің ғой дейді. Отандық әнші NS радиосындағы "Шулайық шоу" түнгі бағдарламасына берген сұхбатында осылай деді.
"Ел-елді, ауылдарды аралап осыған дейін 125 концерт бердім, бірақ енді өмір бойы тегін айта бермейсің ғой. Менің де бала-шағам өсіп келе жатыр, асырау керек, аяққа тұрғызу керек. Артымда тіреп тұрған ешкім жоқ. Талай концерт бердім, халықтың, үлкендердің батасын алдық", - дейді әнші.
Сонымен қатар тыңдармандардан намаз туралы келген сауалға ол жауап бермейтінін жеткізді.
"Намаз оқу деген ол жеке менің шаруам, Алла екеуміз арамыздағы нәрсе, сондықтан оны барша жұртқа жариялауды дұрыс деп есептемеймін", - деді ол.
"Сатқындық көп болды ма?" деген сұраққа әнші "Өте көп болды, бәрін бірақ кешіремін, бәлкім сондықтан да болар, жолым ашық" деп жауап берді.
Маска мен мұрын фильтрі алматылықтарды лас ауадан расымен қорғай ма: Мамандар құралдардың қайсысы тиімді екенін түсіндірді
Масканың көмегі болуы үшін оның FFP2 немесе N95 түрін таңдау керек
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты