Әйгілі спортшы Жақсылық Үшкемпіров қайтыс болды

Олимпиада чемпионы Жақсылық Үшкемпіров 70 жасында қайтыс болды, деп хабарлайды Stan.kz ақпарат агенттігі Қазақстан грек-рим, еркін және әйелдер күресі федерациясына сілтеме жасап.

Үшкемпіров Жақсылық 1951 жылы 6 мамырда Қазақ КСР Жамбыл облысы Свердловск ауданы Чапаев кеңшарында дүниеге келген.

Ол классикалық күрестен кеңес спортшысы, КСРО еңбек сіңірген спорт шебері, Қазақ КСР-нің еңбек сіңірген жаттықтырушысы. Классикалық күрестен Олимпиада чемпионы. Еркін күрестен Қазақ КСР чемпионы. Әлем чемпионы (1981), Әлем кубогының екінші жүлдегері (1982), Еуропа чемпионатының екінші жүлдегері (1980), КСРО екі дүркін чемпионы (1975, 1980), КСРО чемпионатының күміс жүлдегері (1978, 1979), КСРО чемпионатының қола жүлдегері (1973, 1977) , КСРО халықтарының спартакиадасының чемпионы (1975).

Спортшының өлімінің себебі анықталып жатыр. 

Айта кетейік, 2015 жылы елімізге еңбек сіңірген спорт шебері Жақсылық Үшкемпіров өз қаражатына бала-бақша мен жатақхана салған болатын. 

2019 жылы Жақсылық Үшкемпіровтің өмірі туралы «Жақсылық» көркем фильмі түсірілді. 

Үшкемпіровтің жеткінше жәнежасөспірім шағын Эльнар Назарқұл мен Санұржан Сүлейменов ойнаса, 60 жас шағын спортшы Досжан Жанботаев сомдады. 

Жақсылық Үшкемпіров: Бізге Отаны үшін өмірін қиятын ұрпақ жетіспейді