Нұртас Адамбай америкалықтар асырап алған қыздың туған отбасын тауып берді
Актер әрі режиссер Нұртас Адамбай мен оның командасы Қазақстаннан асырап алынған қыздың биологиялық отбасын тауып берді, деп хабарлайды Stan.kz ақпарат агенттігі.
Шоумен бұл туралы Facebook-тағы қазақстандық америкалық қауымдастықтың тобына жарияланды.
«Жақында Кристен Демшок асырап алған қызының анасы Шолпан Қанышкенқызын іздейді деген хабарлама жарияланды. Біз оны таптық! Оған Шолпанның мәліметтерін жібердік. Ол жеке хабарламаларды тексермейтін секілді. Шолпан Қанышкенқызы қызынан қоңырау күтіп отыр», - деп жазды Адамбай.
Америкалық әйел қазақстандық актерға алғысын айтты.
"Ооо, қандай керемет. Рахмет сізге", - деп жазды Кристен Демшок.
Кристен Демшок Қазақстаннан екі қыз асырап алып, үлкен қызының отбасымен байланысын үзген. Америкалық ата-ана қызының туған ата-анасын іздейтінін мәлімдеген еді.
«Біз кіші қыздың анасымен байланыстамыз, бірақ үлкен қызымыздың отбасымен байланыс үздік, өйткені олардың телефон нөмірі өзгеріп кетті. Менің аты-жөнім, мекенжайым және байланысуға көмектесетін аудармашым бар. Оларды іздеу мүмкіндігі жоқ, өйткені олар шалғайда тұрады. Олардың жеке нөмірлерін табуға көмектесе аласыздар ма? Менің қызым 17 жаста және ата-анасымен сөйлескісі келеді», - деді Кристен.
Олар Қазақстандағы отбасымен соңғы рет 2018 жылы хабарласып, кездесу үшін Қазақстанға келмек болған.