Аягөздік бойжеткен Нұрболат Абдуллиннің қолындағы жүзігін сұрап алды

Нұрболат Абдуллин аягөздік тыңдарманына қолындағы жүзігін шешіп берді, деп жазады Stan.kz ақпарат агенттігі. 

Шығыстың аруы концерт кезінде әншінің саусағындағы бұйымды нұсқап, өзіне беруді сұраған. Абдуллин қыздың көңілін қалдыра алмады. 
Ол ән айтып тұрғанына қарамастан, жүзігін шешіп, оны бейтаныс аруға сыйлады. Қатты қуанған бойжеткен оны бірден тағып алды. 

Болған жайттың видеосын жариялаған Абдуллин: "Сақина табылар, көрермен көңілі қымбат", – деп пікір білдірді.

• "Күлме досқа": Сая Оразғалиева тағы да жүкті екенін хабарлады

• "Заңды түрде емес": Ninety One әншісі сүйіктісімен некеге тұрғанын растады

Желі қолданушыларының бір тобы әншінің жомарттығына риза болса, екінші топ қыздың "пысықтығын" сөз етті. 

"Сұрауға қалай батылы жетті екен, қолын ұстауға ұялатын едім", "Қыз бала ер азаматтың жүзігін алғаны ұят", "Неке жүзігін алып алмағанына шүкір", "Дым көрмегендей сақинаға жармасқаны несі, әрине, ұялғанынан бере салды", – деп жазды желі қолданушылары.