Нұр-Сұлтанда мемлекеттік тіркеу нөмірінсіз жүрген көлік жүргізушісінен қару тәркіленді
Қала жолдарында мемлекеттік тіркеу нөмірінсіз жүрген көлік жүргізушісінен суық қару табылды, деп хабарлайды Stan.kz ақпарат агенттігі.
Бұл туралы Нұр-Сұлтан қалалық полиция басқармасының баспасөз қызметі мәлімдеді.
"Тойота Камри" көлігі Тұран даңғылының бойында тоқтатылған. Тексеру барысында 35 жастағы жүргізушісінен тіркеуден шығарылған 12 мемлекеттік нөмір белгісі, жиналмалы пышақ, газ тапаншасы мен 4 оқ тәркіленді.
Аталған дерек бойынша ҚР ҚК 287-бабы 2-тармағымен сотқа дейінгі тергеу басталды. Сараптама тағайындалып, көлік коммуналдық тұраққа қойылды.
Сондай-ақ, көлік жүргізушісінің астана аумағында болған қандай да бір құқықбұзушылықтарға қатысы бар-жоқтығын анықтау бағытында кешенді шаралар жүргізіліп жатыр.
Түркістан облысында әскерге кеткен сарбаз мүгедек болып оралды
Жігіттің туғаннан жамбасында ұршық болмағанына қарамастан, әскерге баруға жарамды деп тапқан
Алма-Арасан тау бөктеріндегі жабық аумақ: Алма бағының ортасында кімдер коттедж салып жатыр?
Алма бақтарының арасында соңғы жылдары бірнеше ірі коттедж пайда болған