Енді Қазақстанда қызметкерді жұмыстан шығару қиындайды: Сенат заң қабылдады

Фото: depositphotos.com

Сенат еңбек құқықтарын қорғауды күшейтуге бағытталған заңды қабылдады. Енді азаматтық-құқықтық сипаттағы шарттарды қатынастарының орнына қолдануға болмайды. Сонымен қатар қызметкерлерді жұмыстан шығару талаптары да күшейтіледі. Бұл туралы Stan.kz ақпарат агенттігі хабарлайды. 

Мұны Сенат аппаратының басшысы Максим Споткай Telegram-арнасында хабарлады. Оның айтуынша, жаңа заң қызметкерлердің еңбек құқықтарын қорғауды күшейтуге және еңбек жағдайларын жетілдіруге бағытталған.

Құжатқа сәйкес, егер азаматтық-құқықтық шарттар іс жүзінде еңбек қатынастарын реттесе, оларды қолдануға тыйым салынады. Мұндай қатынастардың белгілеріне мыналар жатады:

• белгілі бір мамандық немесе лауазым бойынша жұмыс істеу;
• жұмысты жеке орындау және компанияның ішкі тәртібіне бағыну;
• еңбекақыны нақты нәтиже үшін емес, еңбек процесі үшін алу.

Сонымен қатар заңда 14 жасқа дейінгі баласы бар жалғызбасты ата-аналарды жұмыс берушінің бастамасымен жұмыстан шығаруға тыйым салынады. Бұл шектеу штат қысқарту немесе өндіріс көлемінің азаюы жағдайында да қолданылады.

Бұдан бөлек, заңда келесі нормалар қарастырылған:

• келісім комиссияларының жұмысына тәуелсіз делдал тарту мүмкіндігі енгізіледі;
• ереуіл кезінде тараптар қауіпті өндірістік нысандарда ең төменгі қажет жұмыс көлемін қамтамасыз етуге міндетті;
• жазатайым оқиғаларды тергеу комиссиясының құрамы кеңейтіліп, оған адвокат, жұбайы (зайыбы) немесе заңгер кеңесші қатыса алады;
• жазатайым оқиға кезінде қызметкердің кінә деңгейі 25%- дан аспауы тиіс.

“Бұл заңды қабылдау қызметкерлердің әлеуметтік қорғалу деңгейін арттыруға, еңбек қатынастарының ашықтығын қамтамасыз етуге және еңбек дауларының санын азайтуға мүмкіндік береді”, – деді Максим Споткай.