Жамбыл облысында 10 жасар қызды өлтірді деп күдікке ілінген азаматтың асырауындағы балалар мемлекет қарамағына алынды
Фото: pixabay.com
Жамбыл облысында адам өлтірді деген күдікке ілінген отбасыдан төрт асыранды баланы мемлекет қарамағына алу шешімі қабылданды. Балаларды асыраған және қылмысқа қатысты күдікке ілінген азамат әскери қызметкер болып шықты. Бұл туралы Stan.kz ақпарат агенттігі хабарлайды.
Жамбыл облысы бойынша Бала құқықтары жөніндегі уәкіл Даурен Бақжановтың айтуынша, күдіктіні сол күні кешке аудандық полиция бөлімінің қызметкерлері қамауға алған.
“Отбасының қамқорлығында бірнеше бала бар. Оларға қатысты балаларды отбасынан алу туралы шұғыл шешім қабылданды. Қазір олар мемлекеттік мекемеде мемлекеттің қорғауында”, – деді ол.
Сонымен қатар уәкіл бұл іске қатысты қосымша ақпаратты әскери тергеу басқармасы ғана ұсына алатынын айтты. Өйткені күдікті – әскери қызметкер екен.
Еске салсақ, Жамбыл облысында ер адам асырап алған қызын өлтірді деген күдікке ілінгені туралы хабарлаған едік.
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда
"Денесінде бұған басшылық кінәлі деген жазуы бар": Түрмеден шығуына 20 күн қалған қазақстандық ер адам қаза тапты
Оны бостандыққа шығуына санаулы күндер қалған болатын