“Шетелде ақшасыз қалар едім”: Әуежай қызметкеріне алғыс айтқан алматылық арудың видеосы желідегілерді сүйсінтті
Желіде Алматы әуежайында әмиянын ұмытып кеткен қыздың видеосы тарады. Ол өзіне көмектескен әуежай қызметкеріне алғыс айтып, видео жолдаған. Қыздың жазбасы желідегілердің жүрегін елжіретті. Бұл туралы Stan.kz ақпарат агенттігі хабарлайды.
Видеодан скрин
Қыз өзінің оқиғасымен бөлісіп, әуежай қызметкеріне рахмет айтты.
"Алматы әуежайында істейтін Абылайхан деген қызметкер болмаса, мен шетелде ақшасыз, құжатсыз қалатын едім. Әмиянымды ағам көлігіне түсіріп алғанымды ұшаққа отырардан 20 минут бұрын ғана есіме түсті. Паспорт бақылауынан өтіп қойғанмын. Ағам алысқа кетіп қалған екен. Амал жоқ артқа қайтуға тура келді. Бірақ менің шығып әмиянды алуға уақытым болмаған еді. Уақыт аз қалған”, – дейді ол.
Ол Абылай есімді қызметкер болмаса, шетелде ақшасыз қалатынын айқан.
"Ағам әмиянды әуежайға алып келді, Абылай деген қызметкер көмектесіп, маған ұшақтың ұшуына бірнеше минут қалған кезде әмиянымды жеткізіп берді. Бүкіл ұшақ мені күтіп тұрды. Алматы әуежайында істейтін Абылайхан деген қызметкерді танитын болсаңыздар, менің атымнан рахмет айтыңыздаршы”, – деп жазды ол.
@salta.land Спасибо, Абылайхан❤️ Если вдруг знаете Абылайхана, который работает в Алматинском аэропорту передайте ему большой рахмет🙏🏻
♬ In the Lifetime - Melodia Simples