"Енді жоғалыңыз, көзге көрінбеңіз": Талғат Теменов ресейлік журналиске жауап берді

Белгілі режиссер Талғат Теменов ресейлік журналиске жауап берді. Режиссер ресейлік журналиске желі арқылы үндеу жолдады. 

Бұл туралы режиссер Facebook желісіндегі парақшасында жазды.

"Тыңдаңыз, Кеосаян мырза! Мен сұрақ қойғым келеді, сіз олай жазатындай кімсіз? Адамдар екі санатқа бөлінеді деген тұжырымдама бар. Құрушылар мен бұзушылар. Мен сізді бұзушыларға жатқызамын! Кеосаян мырза, сізге қазақстандықтарды оқытуға және бізге қауіп төндіруге кім құқық берді?! Ұлы отан соғысы кезінде елді құтқаруға кеткен қазақ емес пе еді? Қолындағы нанын өзге ұлттармен бөліскен қазақ емес пе еді? Шеру жасаймыз ба, жоқ па онда не жұмысыңыз бар? Бұл ҚР Қорғаныс министрлігінің құзыретінде. Жеңіс күні барлық бауырлас халықтар сияқты әрбір қазақстандық үшін де ұлы мереке! Мен үшін, соның ішінде әкем екінші дүниежүзілік соғысқа қатысып, екінші топтағы мүгедек болғандықтан. Соғыс дегеннің не екенін біздің халқымыз сияқты ешкім білмейді! Мен Ресей мен НАТО арасында соғыс жүріп жатқанын естіген жоқпын. Ондай нәрселерді алып, өзіңізге көп алып жатқан жоқсыз ба? Көптеген орыс және армян режиссерлерімен бірге оқып, бірге жұмыс істеу мәртебесіне ие болдым. Бірақ сіз сияқты сұрқия, жағымпазды адамды алғаш көруім. Тоқта, Кеосаян! Түсірілді! Енді жоғалыңыз, көзге көрінбеңіз", - деді Талғат Теменов.

Айта кетейік, Ресей тележүргізушісінің мәлімдемесі әлеуметтік желіде тарады. Онда ол қазақстандықтарға сес көрсеткен. 

“Қазақтар, алғыстарың қайда? Сендер Ресейді дүниежүзінен жоқ болып кетеді деп ойлайсыңдар ма? Украинаға қараңдар да, жақсылап ойланыңдар. Біздің жауапты тұлғалар біздің қарым-қатынасымызды қайта қарауы керек. Қателесесіңдер! Сендерде әлі уақыт бар. Соңғы вагонға үлгеріп қалуларың да мүмкін. Қазір үлкен соғыс жүріп жатыр. Осы орайда, бізді кім қолдайтынын дұрыстап бақылау керек. Жетер! Өтірік ойнап болған шығарсыңдар. Билікті құтқарып, былығыңды реттеуге қайтарымсыз көмек сұрауларыңды доғарыңдар! Парад өткізбейміз дегендерің не?" — деді ол.

Бұған дейін СІМ баспасөз хатшысы Тигран Кеосаянның сөзіне қатысты пікір білдірді.

Сондай-ақ, актер, режиссер Досхан Жолжақсынов Кеосаянға орыс тілінде видео-үндеу жолдады.