1500 адамға артық: Денсаулық сақтау министрлігі коронавирустан көз жұмғандар санын қайта қарады
Денсаулық сақтау министрлігі COVID-19 ауруынан көз жұмғандар туралы соңғы жаңартылған мәліметтерді жариялады, деп хабарлайды Stan.kz ақпарат агенттігі.
Агенттік коронавирус пен пневмониядан 6,523 адам көз жұмғанын мәлімдеді. Елімізде 2020 жылы 4 729 адам қайтыс болса, 2021 жылдың 4 айында - 1 794 адам көз жұмған.
Жалпы көрсеткіш бойынша өлім-жітім саны осыған дейін жариялаған мәліметтермен сәйкес келмейді. Жаңа мәліметте көз жұмғандар саны пен ескі мәліметті салыстырғанда1,5 мыңға артық.
- Ер адам отбасына коронавирус жұқтырмас үшін 11 күн бойы ағаштың басында түнеген
- Қан керек: Плазма коронавирустан емдейтіні рас па
"Біз коронавирустан болған өлім туралы ақпараттарды кешіктіріп тіркеудің барлық жағдайларын ескердік, барлық статистикалық деректерді тексердік. Өлім нәтижелерін, патологиялық анатомиялық және сот-медициналық сараптамалардың хаттамаларын, қорытынды деректерді ескере отырып өткен жылы коронавирустың өлімі 4729 адамды құрады, оның ішінде коронавирустан + 1 783 адам, анықталмаған коронавирус инфекциясынан - 2 946 адам көз жұмды", - деді денсаулық сақтау вице-министрі Ажар Гиният.
Оперативті деректер тоқсан сайын Ұлттық статистика бюросымен келісіліп отыратынын айтты Ажар Ғиният.