Қазақстан құрамасының футболшысы Ресей чемпионатына ауысты
Футболдан Қазақстан құрамасының шабуылшысы Абат Айымбетов мансабын Ресей чемпионатында жалғастырады. Бұл туралы ресейлік "Крылья Советов" клубы ресми мәлімдеді, деп хабарлайды Stan.kz ақпарат агенттігі. 
25 жастағы футболшы Абат Айымбетов жаңа командасында 9 нөмірлі жейдемен өнер көрсетеді. Әзірге оның келісімшарты қанша уақытқа жасалғаны белгісіз.
Биылғы маусымда қазақстандық шабуылшы "Қайраттың" сапында 20 мәрте алаңға шығып, чемпионаттың үздік сұрмергендігіне таласқан. Ал маусым қорытындысы бойынша 16 жылдан кейінгі үзілістен соң "Қайраттың" чемпион атануына үлесін қосты.
Қысқы трансферлік кезеңде Абат Айымбетов Ресейдің "Урал" командасына қаралымнан өткен. Артынша "Арсеналдан" ұсыныс болған. Алайда футболшы "Крылья Советов" клубымен келісімшартқа отыруды жөн көріпті.
"Крылья Советов" командасы Ресейдің деңгейі жағынан екінші лигасында бақ сынайды. 26 турдан соң чемпионат кестесінде екінші орында келе жатар.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Қолданыста жүргеніне 50 жылдан асқан: Астанадан ұшқан қазақстандық ұшақтағы түсқағазды көріп жағасын ұстады (видео)
Желі қолданушысы: "Қатты дыбыстан құлақ бітіп қалды, ұшақ қирап қалатындай көрінді"