Соңғы жаңалықтар

Жанболат Мамайға лайк басқан: Мұғалімдердің әлеуметтік желісін тексеріп, жазалап жатыр

Сайлау жақындаған сайын Қазақстанның мұғалімдеріне оппозицияда жүрген Жанболат Мамай сияқты азаматтарға лайк басуына да болмайтын сияқты. Мәселен, Атырау облысы Жылыой ауданының білім бөлімі бүкіл мектеп директорларына деп бұйрық шығарып, онда мұғалімдердің қай әлеуметтік желіде кімге лайк басып, комментарий жазып жүргенін саралауды тапсырған, деп хабарлайды Stan.kz ақпарат агенттігі "Информбюро" бағдарламасына сілтеме жасап. 

Бірақ, редакция сауалына жауап берген әкімдік бұны әлі де болса еркіндікті шектеу деп есептемейді екен. Жылыойдың білім бөлімінің басшысы Гүлжансара Таңатарова ауданы әкімі орынбасарының тапсырмасына сәйкес, барлық мектеп директорына мұғалімдердің әлеуметтік желідегі парақшасына мониторинг жүргізуді міндеттейді. Тіпті, әр директор ай сайын есеп беруі тиіс. Бұған себеп ретінде Таңатарова кредиттік амнистияны ұсынып жүрген Жанболат Мамайдың постына ұстаздардың лайк қойғанын атаған. Осындай мәтіндегі бұйрықты көрген жылыойлық мұғалімнің бірі Жанаргүл Шарғабаева бұл шектен шыққандық дейді.

 "Хатты көргенде қатты ренжідім. Маған қатты әсер етті. Неге ренжідім? Ауданда, облыста проблемалар айтып, мұғалімдер мәртебесін көтеруге өз үлесімді қосып жүрген соң сондықтан маған қатты әсер етті. Мені тұсап тастағандай болды. Әлеуметтік желіде кімге лайк басамыз, кімге баспаймыз ол менің өз еркім сияқты. Бірақ осы еркімді шектеп отыр", - дейді Жанаргүл Шарғабаева. 

Бұл бұйрықтың көшірмесі Жанболат Мамайға да жетіпті. Қоғам белсендісі мұндай тапсырма Жылыой ғана емес, бүкіл Қазақстан бойынша берілген дейді.

"Бұл хат өздерінің еркімен жазылған емес, республика бойынша сайлаудың қарсаңында оппозициялық күштер бірігіп жатқан тұста, сайлауға байкотқа шақырып жатқан тұста міне, осындай тапсырмаларды беріп жатыр деп есептеймін. Ал аудан әкімдігі бұндай тапсырманың берілуін қате деп санамайды", - дейді Жанболат Мамай.  

Ұстаздардың түрлі бағыттағы посттарды қолдап комментарий жазуы өскелең ұрпаққа кері әсерін тигізеді дейді олар. Ал, хат тек ұсынымдық сипатта жазылды дейді. Дегенмен, аудан әкімі осыған орай арнайы жиын өткізіп, білім бөлімі басшысының міндетін атқарушыға «қатаң сөгіс» және аудан әкімінің орынбасарына қадағаламағаны үшін «сөгіс» бергенін хабарлады. 

Талқылау
Пікір
Қазір оқып жатыр
Çàãðóçêà...
Қазір оқып жатыр