Оралда тұрғын үй қабырғасына сурет салып жатқан ерікті ажал құшты
Оралда 31 жастағы ерікті Самат Шайдуллаұлының өліміне қатысты сотқа дейінгі тергеу басталды. Ер адам тоғыз қабатты үйдің төбесіндегі электр тоғынан қайтыс болды, деп хабарлайды Stan.kz ақпарат агенттігі.
Самат Шайдуллаұлы қаладағы танымал Uralsk Runners тобының еріктісі болған. Ол көп қабатты үйдің қабырғасында граффити салған суретшілерге көмек көрсетті. Полиция қайғылы оқиғаның мән-жайын анықтап жатыр.
«1 қыркүйекте шамамен сағат 23.00-де Қонаев ықшам ауданындағы тоғыз қабатты үйдің шатырында электр тоғынан ер адам қайтыс болды. Сотқа дейінгі тергеуді Орал полиция бөлімінің қызметкерлері жүргізуде», - деп хабарлады полиция бөлімінен.
Тоғыз қабатты ғимараттың қабырғасындағы «Жүгіруші» суретін осындай мәселелерде тәжірибесі бар оралдық суретшілер сала бастады. Алайда оқиғаның жай-жапсары жарияланбады.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"