Қазақстанда коронавирустың екінші толқыны мамырда басталып кетті - Біртанов
Еліміздің денсаулық сақтау министрі Елжан Біртанов Қазақстанда коронавирустың екінші толқыны мамыр айында басталып кеткенін айтты, деп хабарлайды Stan.kz ақпарат агенттігі.
"Қазақстанда коронавирустың бірінші толқыны өтіп кетті: індеттің өршуі сәуірдің екінші жартысында болды. Содан кейін ауру жұқтырғандардың саны азая бастады. Мамырдың ортасына қарай ахуал қайта жандана бастады. Осы кезде аурудың екінші толқыны басталған еді", - деді министр.
Бұған қоса ол індеттің екінші толқыны келе жатыр деп айтқан сарапшылардың пікірін мысалға келтірді. Сөзінше, келесі жолы коронавирус тұмау эпидемиясы мен ауыр вирустық инфекциялар таралатын қыркүйек айымен тұспа-тұс келуі мүмкін екен.
"Біз үйреншікті аурулармен қоса, басқа да аурулардың, мәселен коронавирустың таралуын жоққа шығармаймыз", - деп қосты Біртанов.
Еске салайық, бұған дейін министр қайтыс болған науқастардың қаншасы коронавирустан көз жұмғандар қатарына қосылмағаны жайлы айтқан еді.
Біртанов карантин кезінде қазақстандықтарды митингке шықпай қоя тұруға шақырды
"Құс үркітіп сағатына 8 200 теңге таптым": Англияда жүріп 1 миллионнан аса айлық алатын қазақстандық жұмысы туралы айтып берді
