Netflix Алматы тауларында туристік реалити-шоу түсірмек

Әлемге әйгілі Netflix стримингтік платформасы Қырғызстан мен Қазақстанда туристік реалити-шоу түсірілетінін мәлімдеді. Бұл туралы Stan.kz ақпарат агенттігі хабарлайды.

Фото: t.me/almaty_akimat

Алматыда жобаның түсірілімі 20-30 мамыр аралығында өтеді. 

“Жаһандық ойын-сауық индустриясындағы ең ықпалды Netflix компаниясы реалити-тур шоу түсіру орны ретінде Алматының әсем таулары мен қырғыз табиғатын таңдады”, – деп мәлімдеді Алматы әкімдігі.

Almaty Tourism Bureau баспасөз қызметі атап өткендей, Алматыда өтетін туристік реалити-шоудың түсірілімі – Қазақстанды әлемге танытуға және елдің туристік әлеуетін арттыруға ықпал ететін маңызды “капитал”. 

Айта кетейік, Netflix –  кең аудиторияға фильмдер мен телехикаялардың үлкен таңдауын ұсынатын және өте танымал жетекші ағынды платформа.

Аудиториясы әлем бойынша жарты миллиардтан астам адам. Netflix-тің 270 миллионға жуық ақылы жазылушысы бар.